«Дьиэ кэргэн – дьол уйата»

Ыам ыйын 14 күнүгэр аан дойдутааҕы дьиэ кэргэн күнүгэр анаан тэриллибит «Дьиэ кэргэн – дьол уйата» күүлэй тэрээһинэ бэрт сэргэхтик ааста.

Үөрүүлээх аһыллыыга нэһилиэккэ ыччат сыла биллэриллэн, эдэр дьиэ кэргэн  уонна биирдиилээн ыччаттар тустаах үлэлэрин таһынан, нэһилиэк общественнай уонна култуурнай олоҕор активнай кыттыыларын иһин Яна, Айтал Васильевтар, Яна, Ньургун Габышевтар, Саргылана Степанова, Ньургун Гоголев, Христина, Илья Мохначевскайдар, Татьяна, Игорь Стручковтар, Дьулус Говоров, Матрена Монастырева, Вадим Шепелев, Алена Желобцова, Христина Цыпандина олохтоох дьаһалта (баһылык Куприянов А.В.) уонна олохтоох култуура дьиэтин (директор Кычкина Л.В.)  бочуотунай грамоталарынан, «Албан ааттара умнуллубатын» кинигэнэн (автор Скрябина А.Д.) наҕараадаланнылар.

Тэрээһини нэһилиэкпит эдэр ийэлэрин түмсүүтэ оҕолорунаан музыкальнай нүөмэрдэринэн киэргэттилэр:

“Сайдыына” вокальнай ансаамбыл толоруутугар «Хомус тыаһа» ырыа

Рима Фадеева толоруутугар соло “Эйэ, дьол туһугар”

Татьяна Иванова оҕотунаан Миленалыын толоруутугар “Хотугулуу үҥкүү”

Нарыйа Докторова уолаттарынаан Андриан, Арыйаан толорууларыгар “Чороонноох үҥкүү”

Дария Андросова толоруутугар соло «Оҕо саас»

“Үрүйэ” үҥкүү коллективын толоруутугар «Сир симэхтэрэ»

“Сайдыына” вокальнай ансаамбыл толоруутугар “Ийэбэр”

“Дьоллоох оҕо саас остуоруйа хараҕынан”  теманан киэргэтиллибит оҕо кэлээскэтин күрэҕэр С.Р. Степанова, Нь.И. Гоголев дьиэ кэргэнэ анаан – минээн киэргэтэн, оҕолоругар анал таҥас тигэн кэлэн дьон –сэргэ сэҥээриитин ыллылар.

Бу күн атыы-тутуу тэрээһинигэр оскуолабыт быйылгы выпускниктарын төрөппүттэрэ, Саргылаана Степанова, Дария Григорьевна Чукрова, Надежда Федоровна Рожина, «Бигэ» маҕаһыын (сал.Бродникова Нелли Николаевна) көхтөөхтүк кэлэн кыттыбыттарыгар, атыылаабыттарыгар барҕа махталбытын тиэрдэбит.

Олохтоох агрошкола уонна Хаптаҕайдааҕы агрошкола өттүттэн рассаада атыыта тэрилиннэ.

Ону сэргэ «Оҕо ийэтинээн» дьиэ кэргэҥҥэ аналлаах түөлбэлэринэн «Көрдөөх старт» күрэхтэһии ыытылынна. Хамаандаҕа 5 түөлбэттэн 3 ийэ оҕолорунаан барыта 30 киһи кыттан илин-кэлин түсүһэн, сүрдээх тыҥааһыннаах күрэхтэһии буолла.

Түмүккэ 11 очколаах «Аартык» түөлбэ (Галина Ноговицына, Яна Габышева, Нарыйа Докторова оҕолорунаан) кыайыылаах таҕыста.

Иккис бочуоттаах миэстэни 13 очколаах «Лесной» түөлбэ (Христина Мохначевская, Татьяна Стручкова, Сардана Трифонова оҕолорунаан) ылары ситистэ.

Үһүс миэстэҕэ 14 очколаах «Сайдыс» түөлбэ (Лидия Свинобоева, Нелли Бродникова, Христина Цыпандина оҕолорунаан) таҕыстылар.

4 миэстэни «Сүрэх тыа» түөлбэ (Матрена Монастырева, Дария Андросова, Саргылаана Степанова оҕолорунаан), 5 миэстэни «Нагорнай» түөлбэ (Евдокия Ноговицына, Мария Скрябина, Яна Васильева оҕолорунаан) үллэһиннилэр.

Күрэхтэһии түмүгэ тахсыар диэри оҕолорго, төрөппүттэргэ Сардана Степановна Стручкова өйү сытыылыыр тэттик оонньууну тэрийдэ.

«Дьиэ кэргэн – дьол уйата» тэрээһиҥҥэ кэлэн активнай кыттыыны ылбыт нэһилиэкпит эдэр ийэлэрин түмсүүтүгэр (cал. Иванова Т.Е.), бары көрөөччүлэрбитигэр, оҕолорбутугар сылаас истиҥ махталбытын тиэрдэбит, өссө төгүл Аан дойдутааҕы дьиэ кэргэн күнүнэн итиитик-истинник эҕэрдэлиибит. Куруутун да маннык активнай позициялаах буолуҥ, мэлдьитин инники күөҥҥэ сылдьыҥ.     

Добавить комментарий

Ваш адрес email не будет опубликован. Обязательные поля помечены *