«Дьикти түгэн» саҥа дьыллааҕы бырааһынньыктааҕы шоу дискотека.

Ахсынньы 31 күнүгэр олохтоох култуура дьиэтигэр «Дьикти түгэн» үүнэн иһэр 2025 сылы көрсөр бырааһынньыктааҕы шоу дискотека тэрээһин буолан ааста.

2024 сыл Россияҕа  дьиэ кэргэн сыла  биллэриллэн  Республикабыт, улууспут, дэриэбинэлэрбит иһинэн дьиэ-кэргэҥҥэ аналлаах  араас тэрээһиннэр ыытылыннылар. Дьиэ-кэргэн төһө иллээх, хайдах туруктаах, төһө элбэх оҕолоох буолар да бүтүн нэһилиэнньэ сайдыыта онтон тутулуктаах. Балыктаах эбэ илгэлээх иэнигэр, уйгулаах туонатыгар олохсуйан олорор, айар-тутар иллээх-эйэлээх дьиэ кэргэттэрин  ортолоругар сылы түмүктүүр  биир сэргэх түгэнэ буолла. Ол курдук Мэҥэ нэһилиэгин эдэр ыалларыгар эрдэттэн онлайн күрэх биллэриллибитэ. Манна  дьиэ-кэргэни билиһиннэрии, дьиэ-кэргэн биир күннээх түбүгэ, дьиэ-кэргэн сатабыла, дьоҕура уонна дьиэ-кэргэн сынньалаҥа түһүмэхтэргэ дьиэ кэргэттэр видеосюжет бэлэмнээбиттэрин күөх экран нөҥүө саалаҕа мустубут көрөөччүлэр көрдүлэр, сөхтүлэр. Ону сэргэ дьиэ кэргэттэр, күрэх кыттыылаахтара бэйэлэрэ  бүтүн дьиэ-кэргэнинэн  оҥорбут, тиктибит маскарааттарын уонна флешмоб эҕэрдэ үҥкүүлэрин сыанаҕа тахсан үҥкүүлээн көрдөрдүлэр.

Яна уонна Айтал Васильевтар дьиэ кэргэнэ оҕолорунаан.

Татьяна уонна Игорь  Стручковтар дьиэ-кэргэнэ кыыстарынаан.

Христина уонна Илья Мохначевскайдар дьиэ-кэргэнэ оҕолорунаан.

Саргылаана Степанова уонна Нюргун Гоголев дьиэ-кэргэнэ оҕолорунаан.

Саргылаах саҥа сыл үүнэн эрэринэн бэйэтин алгыс тылын тириэртэ «Мэҥэ нэһилиэгэ»  тыа сирин тэриллиитин аҕа баһылыга Александр Валерьевич Куприянов уонна наҕарадаалары туттартаата.

Анал бэлиэ туттарылынна — 90 сааһын томточчу туолбут ытык-мааны киһибитигэр «Мэҥэ нэһилиэгэ» бочуоттаах олохтооҕор, норуот маастарыгар, үлэ-тыыл ветераныгар Вера Григорьевна Заровняеваҕа.

Анал бэлиэ туттарылынна — М. Горькай, «Мэҥэ» сопхуоска өр сылларга рабочайынан үтүө суобастаахтык үлэлээбит, 75 сааһын томточчу туолбут  Егор Петрович Габышевка.

Өр сылларга үтүө суобастаахтык сопхуоска үлэлээбит 70 сааһын туолбут Валерий Николаевич Монастыревка анал бэлиэ туттарылынна.

«СР бэтэринээрнэй сулууспатын туйгуна» анал аат уонна юбилярга ананар  анал бэлиэ туттарылынна — Тыа хаһаайыстыбата сайдарыгар сэмэй кылаатын киллэрсибит, ветеринар   сылаалаах уонна уустук идэтин баһылаан өр сылларга үтүө суобастаахтык үлэлээбит уонна билигин бочуоттаах сынньалаҥҥа олорор 65 сааһын томточчу туолбут  Березкин Николай Алексеевичка.

Эҕэрдэ сурук, анал сувенирдар туттарылыннылар 65 саастарыгар үктэммит убаастабыллаах, ытык-мааны дьоммутугар:

Черкашин Михаил Николаевичка — М. Горькай, Мэҥэ сопхуостарга, Балыктаах орто оскуолатыгар өр сылларга тракториһынан үтүө суобастаахтык үлэлээбит, СР автомобильнай транспорын бочуоттаах үлэһитэ, СР спордун маастара.

Максимов Иван Даниловичка —  өр сылларга телерадиомаастарынан үтүө суобастаахтык үлэлээбит, Балыктаахха  «Аргыс» вокальнай инструментальнай ансаамбылын  салайан дьон-сэргэ сынньалаҥын көхтөөхтүк атааралларыгар күүс-көмө буолбут, кэннэки  олох-дьаһах коммунальнай хаһаайыстыбаҕа кочегарынан үлэлээбит, билигин бочуоттаах сынньалаҥҥа олорор.

Черкашина Александра Сергеевнаҕа — Тыа хаһаайыстыба эйгэтигэр өр сылларга  үлэлээбит, кэлин оҕо дьиэтигэр таһаарыылаахтык үлэлээн билигин бочуоттаах сынньалаҥҥа олорор.

Эҕэрдэ сурук, анал сувенирдар туттарылыннылар 60 саастарыгар үктэммит убаастабыллаах, ытык-мааны дьоммутугар:

Говорова Ангелина Николаевнаҕа — СР үөрэҕэрии туйгуна, 2024 сыл Ил Дархан бириэмийэтин кыайыылааҕа, РФ үөрэҕин бочуоттаах үлэһитэ.

Осипов Павел Павловичка — СР автомобильнай транспорын бочуоттаах үлэһитэ.

2024 сыл түмүгүнэн  нэһилиэкпит тэрилтэлэринэн бастыҥтан бастыҥ үлэһиттэринэн буоллулар:

 Сүөһү көрүүтүн өҥөтүн оҥорор «Хаххах» потребительскай кооператив сыл бастыҥ үлэһитинэн ааттанна – Скрябин Василий Васильевич — СР автомобильнай транспорын бочуоттаах үлэһитэ, Төҥүлутээ5и участковай балыыһа ветерана, «Мэҥэ-Хаҥалас оройуонун иннигэр өҥөлөрүн иһин» бэлиэ хаһаайына, үлэ ветерана,   элбэх оҕо амарах а5ата, эйэҕэс эһээтэ, хос эһээтэ.

Александр Георгиевич Семенов аатынан Балыктаахтааҕы врачебнай амбулатория сыл бастыҥ үлэһитинэн ааттанна – Кычкина Лариса Федоровна – үлэ ветерана, нэһилиэк бастыҥ общественнига, «Талба» ветераннар  үҥкүүһүттэрин  чилиэнэ.    

Михаил Прокопьевич Габышев аатынан Балыктаахтаах орто оскуолатын сыл бастыҥ үлэһитинэн ааттанна – Габышева Светлана Антоновна — үрдүк категориялаах новатор учуутала, СР үөрэҕириитин туйгуна, СР инноватор учуутала, СР методист учуутала, учууталлар учууталлара.

Оһох-дьаһах коммунальнай хаһаайыстыба сыл бастыҥ үлэһитинэн ааттанна – Стручков Андрей Васильевич – олох-дьаһах коммунальнай хаһаайыстыба оператора, нэһилиэккэ ыытыллар тэрээһиннэр активнай кыттыылааҕа.

«Звездочка» оҕо уһуйаанын сыл бастыҥ улэһитэ» аатын ылыан ылла  Монастырева Матрена Михайловна, сүрүн үлэтин таһынан нэһилиэк, түөлбэ общественнай олоҕун активнай кыттыылааҕа, «Үрүйэ», «Мичээр» үҥкүү коллективтарын, «Сайдыына» ырыа ансаамбылын солбуллубат чилиэнэ.

Балыктаахтааҕы ветеринарнай учаастак сыл бастыҥ үлэһитинэн ааттанна – Васильева Яна Яковлевна  – ветеринарнай фельдшер,   нэһилиэк,  общественнай олоҕун активнай кыттыылааҕа, «Нагорнай» түөлбэ салайааччыта, «Сайдыына» ырыа ансаамбыл, «Ай-тыас» фольклорнай бөлөх, «Көрдөөх ыччаттар» драмколлектив чилиэнэ.

Олохтоох култуура дьиэтин сыл бастыҥ үлэһитинэн ааттанна – Иванова Татьяна Егоровна — олохтоох култуура дьиэтин методиһа, нэһилиэк, түөлбэ бастыҥ общественнига, элбэх оҕо эйэҕэс ийэтэ.

Предпринимательство эйгэтигэр сыл бастыҥ үлэһитинэн ааттанна – Кириллин Николай Леонидович – урбаанньыт, нэһилиэккэ ыытыллар тэрээһиннэр биир бастыҥ спонсора, көхтөөх кыттааччы.

Спорт уонна физическай култуура эйгэтигэр сыл бастыҥ спортсменынан ааттанна – Винокуров Андрей Андреевич — саха төрүт көрүҥүнэн мас тардыһыытынан утумнаахтык дьарыгырар. 2024 сылга Киргизияҕа, Бишкек куоракка ыытыллыбыт  Аан дойду чемпионатыгар,  Арассыыйа сүүмэрдэммит хамаандатыгар киирсэн, үрүҥ көмүс  мэтээл хаһаайына.

Спорт уонна физическай култуура эйгэтигэр сыл бастыҥ спортсменынан ааттанна – Говорова Намыына Гаврильевна– Дьокуускайдааҕы   индустриально-педагогический колледж  1 курсун устудьуона,  ох саанан  ытыынан уонна многоборьенан утумнаахтык дьарыктанар. Республикаҕа уонна улууска ыытыллыбыт многоборье чемпионаттарыгар 2-с миэстэлээх,  илин эҥэр республиканскай  оҕунан ытыы күрэхтэһиитигэр 2-с бочуотаах  миэстэҕэ  тиксибитэ. «Дьулус, тулус, кыай” Мэҥэ-Хаҥалас  улууһун многоборьеҕа федерациятын анал аат хаһаайката.

Михаил Прокопьевич Габышев аатынан Балыктаах орто оскуолатын сыл бастыҥ үөрэнээччитинэн ааттанна – Стручкова Сандаара – 11 кылаас үөрэнээччитэ, бастыҥ общественник, «Өбүгэ үгэһэ-кэнчээри кэскилэ» республиканскай курэххэ 2с миэстэ, «Кэскилээнэ Куо», «Сааскылаана Куо» конкурстар кыайыылааҕа, «Тускул» оҕо тэрилтэтин чилиэнэ, «Лучший активист года» номинация хаһаайына.

«Саҥа дьыллааҕы остуоруйа дойдута» дьиэ кэргэнинэн тэлгэһэни киэргэтии күрэххэ түмүк маннык таҕыста:  1 миэстэ – Татьяна Артуровна, Игорь Игоревич Стручковтар дьиэ кэргэн, 2 миэстэ – Ирина Даниловна, Егор Васильевич Афанасьевтар дьиэ кэргэн, 3 миэстэ —  Людмила Михайловна, Иван Иванович Мохначевскайдар дьиэ кэргэн, кыайыылаахтарга олохтоох дьаһалта олохтообут анал грамота, сертификат туттарылынна. «Саҥа дьыллааҕы остуоруйа дойдута» дьиэ кэргэнинэн тэлгэһэни киэргэтии күрэххэ көхтөөх кыттыыларын иһин Маргарита Васильевна, Яков Андреевич Катакиновтар дьиэ кэргэҥҥэ туоһу сурук, сертификат туттарылынна.

Сыл устата  ыытыллан кэлбит тэрээһиннэргэ нэһилиэкпит түөлбэлэрэ түмсэннэр, барытыгар  куруутун активнайдык кыттан кэллилэр. Бу дьоро түгэҥҥэ «Аартык», «Лесной», «Сайдыс»  түөлбэлэрин салайааччылара түөлбэҕэ сыл устата активнайдык кыттыбыт дьонноругар  махтал суруктарын, сэмэй бэлэхтэрин туттартаатылар.

 «Ситим» ыччат түмсүү  салайааччыта  Докторова Нарыйа Ивановна эҕэрдэ тылын тириэртэ уонна Мэҥэ нэһилиэгин эдэр ыалларын онлайн күрэхтэрин кыайыылаахтарыгар наҕараадалары туттартаата:

1 миэстэ —  Саргылаана Романовна Степанова, Нюргун Иннокентьевич Гоголев дьиэ кэргэн, 2 миэстэ – Яна Яковлевна, Айтал Борисович Васильевтар дьиэ кэргэн, 3 миэстэ – Христина Иннокентьевна, Илья Егорович Мохначевскайдар дьиэ кэргэн, ону сэргэ көхтөөх кыттыыларын иһин — Татьяна Артуровна, Игорь Игоревич Стручковтар дьиэ кэргэннэргэ олохтоох дьаһалта олохтообут анал грамотата, сертификаттара туттарылынна.

Сыл түмүгүнэн нэһилиэк общественнай олоҕор активнайдык кыттар көхтөөх ыччаттарбытыгар Кириллин Николай Леонидовичка, Габышев Ньургун Владимировичка, Говоров Дьулус Геннадьевичка, Мохначевский Илья Егоровичка, Шепелев Вадим Семеновичка, Кычкин Павел Петровичка, Ноговицын Николай Николаевичка, Докторов Андрей Андреевичка, Чалкина Анастасия Ивановнаҕа, Дьяконова Туймаада Леонидовнаҕа махтал суруктар туттарылыннылар.

«Дьикти түгэн» саҥа дьыллааҕы дьоро киэһээҕэ дойдубут араас муннуктарыттан  кэрэ үҥкүүлэринэн араас омук норуоттара ыалдьыттаан аастылар:

Олохтоох дьаһалта, почта уонна «Хаххах» кооператив, коллективтарын толоруутугар арабскай үҥкүү.

Африка алыптаах дойдутуттан, кулууп коллективын толорууларыгар папуастар эҕэрдэ үҥкүүлэрэ.  

«Звездочка» оҕо уһуйаанын коллективын толоруутугар Япония норуотун үҥкүүтэ «Цветение сакуры».

Америка холбоһуктаах штатыттан, олох – дьаһах коммунальнай хаһаайыстыба коллективын толоруутугар ковбойскай үҥкүү.

Кыра тэрилтэлэр — балыыһа, ветучасток, маҕаһыын үлэһиттэрин толоруутугар Хоту дойду хоһуун дьонноруттан хотугулуу үҥкүү, солистка Айыллаана Максимова.

Алыптаах дьоро киэһэни ылбаҕай ырыаларынан, ыччат флешмоб эҕэрдэ үҥкүүлэринэн «Дьикти түгэн» бырааһынньыктааҕы шоу дискотеканы ситэрэн, киэргэтэн биэрдилэр:

«Мичээр» үҥкүү, эдэр ыччаттар толорууларыгар флешмоб «Синий иней»

«Мичээр» үҥкүү, эдэр ыччаттар толорууларыгар флешмоб «Һээдьэ»

Саҥа дьылынан эҕэрдэлээн бэйэтин ылбаҕай ырыатын бэлэх уунна Айсена Кычкина.

Туймаада Дьяконова, Вадим Шепелев дьиэ кэргэн, саалаҕа мустубут нэһилиэкпит олохтоохторугар, ыалдьыттарыгар, саргылаах саҥа дьылынан эҕэрдэлээн ырыаларын бэлэх ууннулар.

«Мичээр» үҥкүү, эдэр ыччаттар толорууларыгар флешмоб «Новогодний ассорти»

«Мичээр» үҥкүү, эдэр ыччаттар толорууларыгар флешмоб «Макарена»

Ылбаҕай ырыатын бэлэх уунна Рима Фадеева.

«Мичээр» үҥкүү, эдэр ыччаттар толорууларыгар флешмоб «С новым годом!»

«Сайдыына» ырыа ансаамбылын толорууларыгар «Саҥа дьыл»

«Дьикти түгэн» саҥа дьыллааҕы шоу дискотекаҕа күндү ыалдьыттарбыт Тымныы кыһын оҕонньор, сиэн кыыһа Хаарчааналыын уонна саҥа сыл 2025 бэлиэтэ Саҥа Дьыл маскарадтары кытта ыраахтан айаннаан бүгүҥҥү дьоро киэһээбитигэр тиийэн кэлэн  эҕэрдэлэрин тириэртилэр, саҥа дьыллааҕы күрэхтэр түмүктэрин таһаардылар:

«Түннүкпүтүн түүн кэлэн ким киэргэттэ?» түннүк киэргэтиитин күрэҕэр  4 кыттааччы кыттыыны ылла. Түмүккэ  Шишигина Варвара Егоровнаҕа көхтөөх кыттыытын иһин туоһу сурук, сэмэй бэлэх туттарылынна.   3 миэстэни  Степанова Саргылаана Романовна, 2 миэстэни Шишигина Людмила Егоровна,  1-кы миэстэни  Стручкова Саргылана Васильевна ылары ситиһэнннэр, анал грамотанан, сэмэй бириистэринэн наҕараадаланнылар. 

«Саргылаах саҥа дьыл» урукку Саҥа дьыллааҕы открытканы  үтүктэн уруһуйдааһын күрэҕэр  5 киһи кытынна. Түмүккэ Афанасьева Ирина Даниловнаҕа, Мохначевская Анна Геннадьевнаҕа көхтөөх кыттыыларын иһин туоһу суруктар, сэмэй бэлэхтэр туттарылыннылар. Цыденжапова Татьяна Сергеевна 3-с миэстэҕэ, Мохначевская Христина Иннокентьевна 2-с миэстэҕэ, Трифонова Сардана Семеновна 1-кы миэстэҕэ тахсаннар, анал грамотанан, сэмэй бириистэринэн наҕараадаланнылар.

«Харыйа оонньуурун кистэлэҥэ» саҥа дьыллааҕы харыйа оонньуурун оҥоруу күрэҕэр  2  кыттааччы кыттыыны ылла, түмүккэ 2 миэстэни Цыденжапова Татьяна Сергеевна,  1-кы миэстэни  Мохначевская Христина Иннокентьевна ылары ситиһэн, анал грамотанан, сэмэй бириистэринэн наҕараадаланнылар. 

Саҥа сыл бэлиэтэ «Моҕой-2025» түөлбэлэр икки ардыларыгар объемнай оҥоһук оҥоруу күрэҕэр түөлбэттэн 4 кыттааччы кыттыыны ылла.  Түмүк маннык буолла: көхтөөх кыттыытын иһин «Сайдыс» түөлбэттэн Афанасьев Егор Васильевич.  3 миэстэ — «Сүрэх тыа» түөлбэттэн Гоголев Нюргун Иннокентьевич. 2 миэстэ — «Аартык» түөлбэттэн Цыденжапова Татьяна Сергеевна. 1-кы миэстэ «Лесной» түөлбэттэн Шишигина Людмила Егоровна.

 «Маскараад, маскараад…» саҥа дьыллааҕы биирдиилээн маскарад көстүүмүн күрэҕэр кыайыылаахтарынан ааттаннылар: 1-кы миэстэ — Турантаева Елена Егоровна, 2 миэстэ — Шишигина Анна Егоровна, 3-с миэстэ — Бродникова Прасковья Гаврильевна. Кыайыылаахтарга анал грамота, сэмэй бириис туттарылынна. Ону сэргэ, Кычкина Мария Спиридоновнаҕа, Стручкова Саргылана Васильевнаҕа, Цыденжапова Татьяна Сергеевнаҕа, Степанова Саргылаана Романовнаҕа көхтөөх кыттыыларын иһин туоһу суруктар, сэмэй бэлэхтэр туттарылыннылар.

Олохтоох культура дьиэтин директора Кычкина Любовь Васильевна нэһилиэкпит олохтоохторун, ыалдьыттарын Саргылаах саҥа 2025 сылынан эҕэрдэтин тириэртэ уонна сэмэй бэлэхтэрин туттартаата.

«Дьикти түгэн» саҥа дьыллааҕы шоу дискотеканы кыайа-хото, иилээн-саҕалаан ыыттылар Татьяна Стручкова, Петр Дохунаев.

Бу курдук саҥа 2025 сылы бука бары бииргэ түмсэн үөрэ-көтө көрүстүбүт. “Эриэн үөн үүнүү-сайдыы, үтүө дьылҕа уонна кэскил бэлиэтинэн ааҕыллар.  2025 сыл улахан суолталаах уларыйыылар уонна үүнүү кэмэ буолара күүтүллэр диэн астрологтар билгэлииллэр. Аан дойду үрдүнэн эриэн үөн сылын сабыдыалынан улахан уларыйыылар буолуохтарын сөбүн билгэлииллэр. 2025 сыл Россияҕа Аҕа дойдуну көмүскээччи, Саха Республикатыгар  Ийэ дойдуну көмүскээччи сыла биллэрилиннилэр, улууспутугар үһүс сылын тыа хаһаайыстыбатын сыла салҕанар уонна нэһилиэкпитигэр  Кыайыы сыла биллэрилиннэ! Тэрээһиммитигэр көхтөөх кыттыыны ылбыт тэрилтэлэргэ, ыччаттарбытыгар, күрэхтэргэ кыттыыны ылбыт нэһилиэкпит олохтоохторугар истиҥ махтал тылларын аныыбыт. Бука барыгытыгар баҕарабыт умнуллубат кэрэ түгэннэрдээх дьоллоох үтүө кэмнэри, эһиэхэ анаан күн сыдьаайа тыгыахтын, сыламныыр  уотун сылааһын ыытыахтын! Алаһа дьиэҕит  сылаас эркиннэннин, аал уот күөдьүйэ умайан уостубат уйгуну,  быстыбат быйаҥы түстээтин, дьиэҕитигэр сылдьар ыалдьыт сонуна сойботун, кэпсээнэ дэлэйдин! Бука барыгытыгар ситиһиилээх Саҥа сыл тосхойдун!