Олунньу 19 күнүгэр «Түмсүөҕүҥ, сомоҕолоһуоҕуҥ – эйэлээх олоҕу тутуоҕуҥ!» диэн девизтээх 68-с төгүлүн ыытыллар Василий Константинович Степанов аатынан култуура уонна спорт эстафетатын бэстибээлин былааҕа Балыктаах бөһүөлэгэр айаннаан кэллэ.
Сарсыарда 12:00 чаастан олохтоох култуура дьиэтигэр оһуохай истиитэ буолла. Эстафета балаһыанньатынан Оһуохайы 3 көлүөнэ таһаарар (оскуола оҕото, ыччат, 35 саастан үөһээ) мантан биир Мэҥэлии оһуокайы таһаарыы, оһуохай тылын таһаарааччылар кынат этээччилэрдээх буолаллара ирдэнэр. Ол курдук эстафета балаһыанньатынан оһуохай түһүлгэтин саҕалаата Санаайа Максимова – М.П.Габышев аатынан Балыктаах орто оскуолатын 10 кылааһын үөрэнээччитэ. Оһуохайы сүрүннээтэ нэһилиэкпит көхтөөх эдэр ыччата — Мария Кычкина. Оһуохайы түмүктээтэ нэһилиэкпит эрчимнээх эр бэрдэ Петр Дохунаев. Нэһилиэкпит ыччаттара, олохтоохторо көхтөөхтүк кыттан, кынат этээччилэрдээх уопсайа 88 киһи кыттан оһуохай бэрт сэргэхтик тэриллэн ыытылынна.
Оһуохай түмүгэ:
Лауреат үрдүк аатын ылары ситистэ – Санаайа Максимова.
Лауреат үрдүк аатын ылла — Мария Кычкина.
Дипломант аата иҥэрилиннэ – Петр Дохунаевка.
Оһуохай уопсай баала 4,0 баалынан сыаналанна.
Күнүс 14:00 чаастан М.П.Габышев аатынан Балыктаах орто оскуолатыгар уус-уран оҥоһуктар быыстапкатын көрүү буолла. Бу күн уопсайа 128 киһи кытынна, ол иһигэр коллективнай 8 үлэҕэ уопсайа 72 киһи кытынна. Уус-уран оҥоһуктар быыстапкатын кыттыылаахтара барыта 450-тэн тахса үлэни туруордулар. Ирдэнэр көрүҥнэринэн уус-уран быыстапканы дьүүллүүр сүбэ көрөн, сыаналаан түмүк маннык буолла:
Лауреат үрдүк аатын ылары ситистилэр:
Валентина Борисовна Березкина — кылтан, сиэлтэн үлэлэрэ.
Роман Иннокентьевич, Альберт Романович Гоголевтар — саха балаҕанын төрүт мала-сала.
Павел Васильевич Габышев — саха балаҕанын төрүт мала-сала.
Нюргун Иннокентьевич Гоголев — саха таҥаһын симэҕэ, ат симэҕэ.
Антонина Николаевна Мордискина — төрүт үгэһи тутуһан тигиллибит дьахтар, эр киһи кыһыҥҥы сонноро уонна хаттык таҥастара.
Анна Васильевна Кычкина — төрүт үгэһи тутуһан тигиллибит дьахтар кыһыҥҥы соно уонна хаттык таҥастара.
Надежда Федоровна Рожина — туойтан оҥоһуктар.
Елизавета Алексеевна Трифонова — кылтан-сиэлтэн гобелен техникатынан оҥоһуллубут панно «Көс олох».
Гаврил Гаврильевич Дьяконов — художественнай хартыына көрүҥэр үлэлэрэ.
«Доруобуйа» түмсүү (салайааччы Ноговицына М.И.) — сахалыы солко таҥастан былааччыйалар, хаппардар.
«Сүрэх тыа» түөлбэ (салайааччы Ноговицына Н.Г.) — Улуу Кыайыы тематыгар саха төрүт ииһигэр түмсүүнэн кыбытык ньыманан тигиллибит панно.
«Күбэйэ» түмсүү (салайааччы Трифонова С.С.) — «Тыа сирин олоҕо» туостан хартыына.
Дипломант аатынан бэлиэтэннилэр:
Александра Николаевна Габышева – линогравюра техникатынан «Письмо с фронта» хартыына.
Сардана Романовна Бочкарева — сииннэлээһин ньыманан «Ф.К.Попов» үлэ.
Варвара Николаевна Куприянова — кылтан-сиэлтэн оҥоһуктар.
Татьяна Сергеевна Цыденжапова — Баһылай Манчаарыга аналлаах куукуланан композиция.
Бимба Бимбаевич Цыденжапов — ювелирнай үлэлэр.
Лидия Михайловна Ноговицына — төрүт үгэһи тутуһан тигиллибит саха таҥаһа.
Екатерина Андреевна Ноговицына — төрүт үгэһи тутуһан тигиллибит дьахтар кыһыҥҥы соно уонна хаттык таҥастара.
Михаил Николаевич Атласов — үрүҥ көмүстэн киэргэллэр.
Ульяна Николаевна Стручкова — художественнай хартыыналар.
Евдокия Васильевна Дьяконова — туойтан оҥоһуктар.
Василий Иннокентьевич Гоголев — мастан уус-уран оҥоһуктар.
Альбина Васильевна Желобцова — кыбытыгынан тигиллибит суумка.
Сардана Степановна Стручкова — туойтан оҥоһуктар.
Ону таһынан быыстапкаҕа көхтөөхтүк үлэлэспит дьоммут грамоталарынан наҕараадаланнылар.
Уус-уран оҥоһуктар быыстапка 4,15 баалынан сыаналанна.
В.К.Степанов аатынан култуура уонна спорт эстафета бэстибээлин биир сүрүн күрэҕэ спортивнай курэхтэһиилэр буолаллар. Ол курдук 10 спорт (дуобат, саахымат, волейбол, салгын саатынан ытыы, сахалыы ох саанан ытыы, остуол тенниһэ, мас-рестлинг, хапсаҕай, хабылык, хаамыска уонна канат тардыһыыта) көрүҥнэригэр бу күн Хорообут, Балыктаах спортка сүүмэрдэммит хамаандалара күөн көрсөннөр, ыһыылаах-хаһыылаах күрэхтэһии кэнниттэн түмүккэ 20,5 – 14,5 Хорообут нэһилиэгин туһатыгар буолла.
Эстафета күнэ Хорообут нэһилиэгин уус-уран самодеятельноһын кэнсиэринэн түмүктэннэ. Хорообут нэһилиэгин кэнсиэрэ 4,02 баалынан сыаналанна.
Нэһилиэкпит чиэһин көмүскээн оһуохайга, уус-уран оҥоһук быыстапкатыгар ситиһиилээхтик кыттан лауреат, дипломант үрдүк ааттары сүкпүт дьоннорбутун, күрэхтэһиилэргэ ситиһиилээхтик кыттыбыт спортсменнарбытын истиҥник эҕэрдэлиибит. Ситиһиилэр өссө да сиэттиһэн кэлэн истиннэр!
