Ыам ыйын 4 күнүгэр биһиги ытык сирбитигэр, Орто эбэ кытылыгар, төрүттэрбит сиэрдэрин – туомнарын тутуһан, сылын аайы үтүө үгэскэ кубулутан, сааскы булт кэмэ саҕаламмытынан, 15-с төгүлүн «Булчут кутаата — 2025» кусчут, булчут эр бэртэригэр аналлаах күрэх буолан ааста.
Тэрээһин үөрүүлээх чааһын аһыллыытыгар «Булчут кутаата» күрэх кыттааччыларын уонна бука бары көрөөччүлэрин саха маанылаах аһынан – алаадьынан айах тутан күндүлээтилэр «Доруобуйа» түмсүү далбар хотуттара.
Өбүгэ үгэһинэн аал уотун аһатан, алгыс тылын тириэртэ «Булчут кутаата» күрэх төрүттээччитэ, нэһилиэкпит ытык-мааны ветерана Егор Семенович Мохначевскай.
Эҕэрдэ тылын тириэртэ «Мэҥэ нэһилиэгэ» тыа сирин түөлбэтин баһылыга Куприянов Александр Валерьевич.
«Дорообо дойдум сарсыардата» ырыанан эҕэрдэлээтэ Петр Дохунаев.
«Булчут кутаата-2025» түөлбэлэр икки ардыларыгар күрэхтэһии 6 этаптаах эстафетаттан саҕаланна:
1 этап: Үрэхтэн 200м толору экипировкалаах сүүрүү.
2 этап: Толору экипировкалаах сүүрүү, 50м оҕо сүүрэр мэһэйдэри туораан.
3 этап: Кэлбит киһитин 20м. сүгэн сүүрүү, экипировканы бэрсии, 80м. салгыы сүүрүү.
4 этап: Сүүрүү-100м, салгын саатынан сыал ытыыта (сыалы табыар дылы ветеран ытар 3 мишень 10 м).
5 этап: Сүүрүү, мэһэйдэри туорааһын -100м.
6 этап: Сүүрүү 200м. (финиш).
Эстафета көрүҥэр хамаандалар утуу-субуу кэлэн, бэрт тыҥааһыннаахтык, ыһыы-хаһыы арыаллаах илин-кэлин түсүһэн, түмүккэ кыайыылаахтарынан таҕыстылар: 1 миэстэ — «Лесной» түөлбэ, 2 миэстэ-«Сүрэх тыа» түөлбэ, 3 миэстэ- «Нагорнай» түөлбэ, 4 миэстэ — «Сайдыс» түөлбэ, 5 миэстэ- «Аартык» түөлбэ хамаандалара.
Чэй оргутуутун күрэхтэһиитигэр 1 миэстэни «Сайдыс» түөлбэ ылары ситистэ.
2 миэстэ — «Аартык» түөлбэ.
3 миэстэ — «Нагорнай» түөлбэ.
4 миэстэ — «Сүрэх тыа» түөлбэ.
5 миэстэ — «Лесной» түөлбэ.
Бириэмэҕэ боппуруоска эппиэттээһин күрэххэ 1 миэстэ — «Сайдыс» түөлбэ.
2 миэстэ — «Лесной» түөлбэ.
3 миэстэ — «Нагорнай» түөлбэ.
4 миэстэ — «Сүрэх тыа» түөлбэ.
5 миэстэ — «Аартык» түөлбэ.
МЦ сааны ыһыы, хомуйуу күрэххэ 1 миэстэ — «Сайдыс» түөлбэ, 2 миэстэ-«Лесной» түөлбэ, 3 миэстэ- «Сүрэх тыа» түөлбэ, 4 миэстэ — «Нагорнай» түөлбэ, 5 миэстэ- «Аартык» түөлбэ.
Уаз массыынаны хамаанданан соһуу күрэхтэһиитигэр 1 миэстэ — «Сүрэх тыа» түөлбэ (29 сөк.)
2 миэстэ — «Сайдыс» түөлбэ (32,27 сөк.)
3 миэстэ — «Аартык» түөлбэ (36 сөк.)
4 миэстэ — «Лесной» түөлбэ (36 сөк.)
5 миэстэ — «Нагорнай» түөлбэ (40 сөк.)
Хамаанданан канат тардыһыы күрэҕэр 1 миэстэ — «Сүрэх тыа» түөлбэ.
2 миэстэ — «Аартык» түөлбэ.
3 миэстэ — «Лесной» түөлбэ.
4 миэстэ — «Сайдыс» түөлбэ.
5 миэстэ — «Нагорнай» түөлбэ.
Уопсай түмүккэ 1 миэстэни ылары ситиһэн, кыайыылаах таҕыста «Сайдыс» түөлбэ уонна олохтоох дьаһалта туруорбут анал мэтээллэринэн, грамоталарынан, сэмэй бэлэхтэринэн уонна өр сылларга механизаторынан үлэлээбит, үлэ ветерана, Аҕа дойду улуу сэриитин кыттыылааҕа, «Аҕа дойду сэриитин иккис степеннээх» орден, «Германияны кыайыы иһин», «Японияны кыайыы иһин», Аҕа дойду улуу сэриитин кыайыы үбүлүөйнэй мэтээллэр, «Коммунистическай үлэ ударнига» бэлиэ хаһаайына, амарах аҕа, тапталлаах эһээ, хос эһээ, байанайдаах булчут Кычкин Павел Иннокентьевич быйыл 100 сааһын туолар сырдык кэриэһигэр анаан оҕолоро, сиэттэрэ, хос сиэттэрэ олохтообут харчынан бириэмийэлэрэ туттарылынна.
2 бириистээх миэстэҕэ таҕыста «Сүрэх тыа» түөлбэ уонна олохтоох дьаһалта туруорбут сэмэй бириистэринэн, анал мэтээллэринэн, грамоталарынан наҕараадаланнылар.
3 бириистээх миэстэни ылары ситистилэр «Лесной» түөлбэ уонна олохтоох дьаһалта туруорбут сэмэй бириистэринэн, анал мэтээллэринэн, грамоталарынан наҕараадаланнылар.
4 миэстэни ылары ситиспит «Аартык» түөлбэ хамаандатыгар үгүс сылларга ааҕар-суоттуур эйгэҕэ үлэлээбит, үлэ ветерана, Аҕа дойду улуу сэриитин кыттыылааҕа, «Аҕа дойду сэриитин бастакы степеннээх» орден, «Германияны кыайыы иһин», «Хорсунун иһин», Аҕа дойду улуу сэриитин кыайыы үбүлүөйнэй мэтээллэр хаһаайына, амарах аҕа, тапталлаах эһээ, хос эһээ, байанайдаах булчут Цыпандин Петр Васильевич сырдык кэриэһигэр анаан оҕолоро, сиэттэрэ, хос сиэттэрэ олохтообут анал бириистэрэ туттарылынна.
Биирдиилээн күрэхтэр түмүктэрэ:
Нэһилиэкпит биир бастыҥ ыччата, Дьокуускай куоракка ООО «Дирекция по эксплуатации» тэрилтэҕэ электригинэн үлэлээн ааспыт, амарах аҕа, эрэллээх доҕор, байанайдаах булчут Артемьев Николай Никитич сырдык кэриэһигэр күрэххэ 21 киһи кыттыбытыттан түмүк маннык буолла: 1 миэстэ — Илья Мохначевскай, 2 миэстэ — Егор Гоголев, 3 миэстэ — Андрей Стручков. Ону сэргэ саамай эдэр кыттааччы- Павел Ноговицын, саамай саастаах кыттааччы — Дмитрий Захаров ааттаннылар. Кыайыылаахтар анал мэтээллэринэн, грамоталарынан, сыаналаах бириистэринэн бэлиэтэннилэр. (Бириистэри олохтоотулар Артемьев Николай Никитич кэргэнэ, оҕото, төрөппүттэрэ, бииргэ төрөөбүттэрэ, аймахтара). Ону сэргэ Протодьяконовтар дьиэ кэргэн күтүөттэрэ олохтообут анал бириистэрэ Илья Мохначевскайга туттарылынна.
Саха Республикатын тыатын хаһаайыстыбатын бочуоттаах үлэһитэ, тыыл, үлэ ветерана, «Үлэ кыһыл Знамя» орден уонна да атын үгүс мэтээллэр кавалера, элбэх оҕолоох дьиэ кэргэн амарах аҕата, тапталлаах эһээтэ, хос эһээтэ, байанайдаах булчут — Артемьев Сергей Михайлович сырдык кэриэһигэр күрэххэ барыта 28 киһи кыттыбытыттан түмүк маннык буолла: 1 миэстэ — Андрей Стручков, 2 миэстэ — Павел Ноговицын, 3 миэстэ — Андрей Докторов. (Үлэ ветерана, өр сылларга сельсовет бэрэссэдээтэлинэн үлэлээбит Артемьев Сергей Михайлович аатынан анал грамоталары, мэтээллэри, бириистэри туруордулар оҕолоро, сиэттэрэ, хос сиэттэрэ).
«Максим Горькай» аатынан совхоз Балыктаах отделениетын тутуу биригээдэтин тутааччыта, биригэдьиирэ, Коммунистическай үлэ ударнига, элбэх оҕолоох дьиэ кэргэн амарах аҕата, тапталлаах эһээтэ, хос эһээтэ, байанайдаах булчут — Стручков Василий Игнатьевич сырдык кэриэһигэр күрэххэ барыта 20 киһи кыттыбытыттан түмүк маннык буолла: 1 миэстэ — Илья Шишигин, 2 миэстэ — Гаврил Дьяконов, 3 миэстэ — Андрей Стручков. (Анал мэтээллэри, грамоталары, бириистэри олохтоотулар Стручков Василий Игнатьевич оҕолоро, сиэттэрэ, аймахтара).
Маны сэргэ, күрэххэ Аҕа дойду улуу сэриитин кыттыылааҕа, «Германияны кыайыы иһин», «Японияны кыайыы иһин», «Владимир Ильич Ленин төрөөбүтэ 100 сыла. Килбиэннээх үлэтин иһин», Аҕа дойду улуу сэриитин кыайыы үбүлүөйнэй мэтээллэр хаһаайына, Коммунистическай үлэ ударнига, үлэ ветерана, амарах аҕа, тапталлаах эһээ, хос эһээ, байанайдаах булчут Мохначевскай Ефим Лонгинович сырдык кэриэһигэр оҕолоро олохтообут анал бириистэрэ Алексей Стручковка туттарылынна.
«Ох саанан ытыы» күрэххэ 22 киһи кыттыбытыттан түмүк маннык буолла: 1 миэстэ — Владислав Кузьмин, 2 миэстэ — Петр Кычкин, 3 миэстэ — Николай Мордискин. (Бириистэри туруорда ИП Габышев Ньургун Владимирович).
Кэбээйи көһүүтүн, Аҕа дойду улуу сэриитин кыттыылааҕа, «Аҕа дойду сэриитин иккис степеннээх» орден, «Германияны кыайыы иһин», «Хорсунун иһин», Аҕа дойду улуу сэриитин кыайыы үбүлүөйнэй мэтээллэр хаһаайына, үлэ ветерана, Мохначевскай Илья Аполлонович сырдык кэриэһигэр оҕолорго «Салгын саанан ытыы» күрэххэ барыта 5 оҕо кыттыбытыттан түмүк маннык буолла: 1 миэстэ — Миша Ноговицын, 2 миэстэ — Женя Куприянов, 3 миэстэ — Кеша Трифонов. (Күрэх кыайыылаахтарыгар анал мэтээллэри, грамоталары, бириистэри туруорда Илья Апполонович балта Кычкина Татьяна Семеновна).
Үлэ, тыыл ветерана, Кэбээйи көһүүтүн кыттыылааҕа, Коммунистическай үлэ ударнига, колхоз эрдэҕиттэн тракториһынан, комбайнерунан, Максим Горькай совхозка центральнай мастерскойга автомеханигынан, онтон заведующайынан өр сылларга үтүө суобастаахтык үлэлээбит, «Отличник социалистического соревнования сельского хозяйства РСФСР» анал бэлиэлээх, түбүктээх үлэтин сыаналаан «Москвич» массыына фондатынан наҕараадаламмыт элбэх оҕолоох дьиэ кэргэн амарах аҕата, тапталлаах эһээтэ, хос эһээтэ, байанайдаах булчут Мохначевскай Иван Павлович сырдык кэриэҺигэр «Булчут көрдөөх кэпсээнэ» күрэххэ Михаил Барабанов кыайыылааҕынан таҕыста. (Бириистэри олохтоотулар Мохначевскай Иван Павлович оҕолоро, сиэттэрэ, хос сиэттэрэ).
Балыктаах бөһүөлэгин олохтооҕо, төрүт дорҕоон инструменнарын айбыт норуот маастара, сааһын тухары суоппар, тракторист идэлээх, чөл олох пропагандиһа,«Булчут кутаата» күрэҕи тэрийсибит элбэх оҕолоох дьиэ кэргэн амарах аҕата, тапталлаах эһээтэ, хос эһээтэ, байанайдаах булчут — Цыпандин Николай Алексеевич сырдык кэриэһигэр күрэххэ 12 киһи кыттыбытыттан түмүк маннык буолла: 1 миэстэ — Дмитрий Захаров, 2 миэстэ — Николай Цыпандин, 3 миэстэ — Сергей Харитонов. (Анал мэтээллэри, грамоталары, бириистэри олохтоото Цыпандин Николай Алексеевич кыыһа Куннэйэ Николаевна Цыпандина).
Аҕа дойду Улуу сэриитин кыттыылааҕа, народнай судьуйа, Российскай Федерация үтүөлээх юриһа, амарах аҕа, эйэҕэс эһээ – Сотников Михаил Михайлович сырдык кэриэһигэр күрэххэ 11 киһи кыттыбытыттан түмүк маннык буолла: 1 миэстэ — Павел Кычкин, 2 миэстэ — Гаврил Сотников, 3 миэстэ — Егор Чалкин. (Анал мэтээллэри, грамоталары, бириистэри туруорда Сотников Михаил Михайлович быраата Бродников Илья Николаевич).
Олорор дьиэ-уот коммунальнай хаһаайыстыба Балыктаахтааҕы учаастагын машинист-кочегарыгар эҥкилэ суох үтүө суобастаахтык үлэлээбит, «Мэҥэ Хаҥалас оройуонун иннигэр өҥөлөрүн иһин», «Нэһилиэк сайдыытыгар кылааттарын иһин», «Идэһэ — 2018» улуустааҕы күрэххэ «Эмис бөдөҥ собо» бэлиэлэр хаһаайына, 2018 сыл түмүгүнэн «Олох- дьаһах коммунальнай хаһаайыстыбатын сыл бастыҥ үлэһитэ» номинация кыайыылааҕа, нэһилиэк иһинэн үлэлиир Аҕа сүбэтэ түмсүү председателинэн үлэлээбит, улуустааҕы «Куйуур» күрэхтэһиилэрин нэһилиэк чиэһин элбэхтэ көмүскээбит, байанайдаах булчут, куйуурдьут, балыксыт — Шепелев Семен Гаврильевич сырдык кэриэһигэр 45 саастарыгар дылы эр дьоҥҥо «Бэргэн» күрэххэ 11 киһи кыттыбытыттан, Николай Цыпандин кыайыылааҕынан тахсан, ИП Габышев Ньургун Владимирович олохтообут анал бирииһинэн наҕараадаланна.
Ону сэргэ Шепелев Семен Гаврильевич сырдык кэриэһигэр 45 саастарыттан үөһэ эр дьоҥҥо «Бэргэн» күрэххэ 8 киһи кыттыбытыттан, Илья Бродников кыайыылааҕынан тахсан, Семен бииргэ үөрэммит кылааһынньыктара олохтообут анал бирииһинэн наҕараадаланна.
Бу күрэххэ анал бирииһинэн бэлиэтэннэ Павел Кычкин.
Быйылгы сезоҥҥа ким саамай ыйааһыннаах көҕөннөрү бултаабыты быһаарар күрэх тэриллэн ыытылынна. Күрэххэ Николай Цыпандин уонна Петр Дохунаев кыайыылаах тахсаннар, ИП Габышев Ньургун Владимирович олохтообут анал бирииһинэн бэлиэтэннилэр.
Бары спонсордаабыт биир дойдулаахтарбытыгар махтал сылаас тылларын аныыбыт. Баҕарабыт бу курдук мэлдьи активнай позициялаах инники күөҥҥэ буолуҥ! «Булчут кутаата-2025» күрэхпит буоларын курдук, бэрт тэрээһиннээхтик, сэргэхтик ааста. Кыттааччылар бэртээхэй бириистэри тутан, айылҕаҕа дуоһуйа сынньанан, ирэ-хоро кэпсэтэн, Егор Семенович Мохначевскай минньигэс миинин амсайан, үөрэ-көтө күрэхтэһиилэргэ сүрдээх көхтөөхтүк кыттан тарҕастылар. Баай байанай маанылаах уолаттара — булчуттарбыт сааскы булт кэмин этэҥҥэ атаарыҥ, сэрэхтээх буолуҥ, байанайгыт тосхойдун!
