Ахсынньы 10 күнүгэр олохтоох култуура дьиэтигэр улуустааҕы инбэлииттэр декадаларын чэрчитинэн, Балыктаах, Төҥүлү, Тумул, Матта бөһүөлэктэрин доруобуйаларынан хааччахтаах дьоҥҥо аналлаах «Бар дьоннуун биир тэҥҥэ» инбэлииттэр декадаларын түмүктүүр тэрээһинэ буолан ааста.
Бу күн кэлбит тэрээһин кыттыылаахтарын ыалдьытымсах сиэринэн алгыстаах арыылаах алаадьынан көрүстүлэр «Арчы» түмсүү далбардара (салайааччы Рожина Н.Ф.)
Тэрээһин үөрүүлээх чааһыгар эҕэрдэ тылын тириэртэ «Мэҥэ нэһилиэгэ» тыа сирин түөлбэтин баһылыга Куприянов А.В.
Эҕэрдэлэрин тириэртилэр Мэҥэ, Мөҥүрүөн, Төҥүлү, Доллу нэһилиэктэрин социальнай үлэһиттэрэ (Мария Макарова, Мария Катакинова, Клавдия Николаева, Ульяна Захарова).
Бу күн саалга мустубут дьоҥҥо анаан бэйэтин эҕэрдэ ырыатын бэлэх уунна Петр Дохунаев.
Салгыы итии чэйдээх сандалы тула олорон, ирэ-хоро кэпсэтэн, бэйэлэрин алгыс тылларын, эҕэрдэлэрин, музыкальнай ырыаларын тириэртилэр:
Тэриллэн ыытыллыбыт араас оонньууларга көхтөөхтүк кыттан оонньоон сэргэхсийдилэр, ону таһынан урукку кэминээҕи музыканан, аныгы ырыаларга доҕуһуоллатан үҥкүүлээн, астына сынньаннылар.
Бу курдук «Бар дьоннуун биир тэҥҥэ» тэрээһин бэрт сэргэхтик ааста. Ыҥырыылары ылынан быыс булан кэлбит бар дьоммутугар баҕарабыт чэгиэн доруобуйаны, этэҥҥэ буолууну. Эһиги күүстээх санааҕыт, олоххо көхтөөх сыһыаҥҥыт барыбытыгар холобур буолар. Куруутун үөрэ-көтө сылдьыҥ, санааҕыт саппаҕырбатын, дьоллоох буолуҥ диэн алгыс тылбытын аныыбыт.
