Ыам ыйын 15 күнүгэр олохтоох култуура дьиэтигэр аан дойдутааҕы дьиэ кэргэн күнүгэр аналлаах өбүгэ оонньууларынан нэһилиэкпит түөлбэлэрин ийэлэрин икки ардыларыгар күрэхтэһии буолан ааста.
Аан дойдутааҕы дьиэ кэргэн күнэ холбоһуктаах нациялар тэрилтэлэрин генеральнай Ассамблеята 1993 сыллаахха дьиэ кэргэн Аан дойдутааҕы күнүн олохтообута. Бу бырааһынньык Российскай Федерацияҕа бэлиэтэнэр буолбута 20-тэн тахса сыл буолла. Дьиэ кэргэн — уопсастыба тулхайдыйбат төрдө, омук сайдыахтаах, инникилээх кэскилэ. Дьиэ кэргэн күнүгэр аналлаах тэрээһин эҕэрдэнэн, махтал тылларынан, музыкальнай нүөмэрдэринэн саҕаланна. Олохтоох култуура дьиэтин директора Кычкина Любовь Васильевна дьиэ кэргэн күнүнэн кэлбит нэһилиэкпит олохтоохторугар эҕэрдэтин тириэртэ, сыл устата бары тэрээһиннэргэ көхтөөхтүк кыттыбыт дьиэ кэргэттэргэ олохтоох култуура дьиэтин коллективын аатыттан Антонина Петровна, Иван Николаевич Прибылыхтарга, Сардана Степановна, Дмитрий Гаврильевич Стручковтарга, Саргылаана Романовна Степанова, Ньургун Иннокентьевич Гоголев дьиэ кэргэнигэр, Надежда Серафимовна, Михаил Русланович Барабановтарга, Татьяна Артуровна, Игорь Игоревич Стручковтарга грамоталары туттартаата.
Аан дойдутааҕы дьиэ-кэргэн күнүгэр аналлаах хамаанданан түөлбэлэр икки ардыларыгар өбүгэ оонньууларынан спортивнай күрэхтэһии тэрээһинигэр спонсорскай көмөлөрүн иһин махтал суруктары Зинаида Софроновна, Владимир Владимирович Цыпандиннар, Нелли Николаевна, Игорь Ильич Бродниковтар, Сарана Бимбаевна Артемьева, Николай Леонидович Кириллин дьиэ кэргэттэригэр дохсун ытыс тыаһын ортотугар туттартаата.
Рима Фадеева «Сааскы киэһэ», Дария Андросова «Оҕо саас» сололарынан, «Үрүйэ» үҥкүү коллектива «Алаас кыргыттара» үҥкүүнэн, Дария Андросова, Рима Фадеева «Дьол ырыата» дуэтнай ылбаҕай ырыаларынан тэрээһин үөрүүлээх чааһын ситэрэн-хоторон, киэргэтэн биэрдилэр.
Өбүгэ оонньууларынан нэһилиэкпит түөлбэлэрин кэрэ аҥардарын икки ардыларыгар күрэхтэһии салгын саанан ытыынан саҕаланна. Хамаанда хас биирдии кыттааччыта 3-түүтэ ытта. Түмүккэ уопсайа 106 очкону ылбыт «Нагорнай» түөлбэ — бастакы, 102 очкону ылан «Сүрэх тыа» түөлбэ — иккис, 64 очколаах «Сайдыс» түөлбэ — үһүс, 46 очколаах «Аартык» түөлбэ — төрдүс, 29 очколаах «Лесной» түөлбэ — бэһис миэстэлэри үллэһиннилэр.
2 этап — ох саанан ытыы күрэхтэһиитигэр кэрэ аҥардарбыт сорохторо бастакытын ох саанан ытыыга холонон көрүүлэрэ буолла. Уопсай түмүккэ 17 очкону ситиһэн «Сайдыс» түөлбэ — бастакы, 12 очколаах «Нагорнай» түөлбэ — иккис, 7 очколаах «Сүрэх тыа» түөлбэ — үһүс, 4 очколаах «Аартык» түөлбэ — төрдүс, 3 очколаах «Лесной» түөлбэ — бэһис миэстэлэри ылары ситистилэр.
3 этап — «Мээчиги киллэр» күрэхтэһиигэ уопсай түмүккэ 7 мээчиги киллэрэн «Сайдыс» түөлбэ — бастакы, 6 мээчиги киллэрэн «Сүрэх тыа» түөлбэ — иккис, 5 мээчиги киллэрбит «Аартык» түөлбэ — үһүс таҕыстыла, 3-түү мээчиги киллэрэннэр «Лесной», «Нагорнай» түөлбэлэр төрдүс, бэһис миэстэлэри үллэһиннилэр.
4 этап — «Бэһирик сүүрдүү» солун күрэхтэһии хамаанда бары кыттыылаахтарын долгутта, ол курдук кыттааччылар бары бииргэ ыраах сири сүүрдүбүттэрин түмүгүнэн «Аартык» түөлбэ уопсайа 2м 19 см. хаамтаран — бастакы, «Нагорнай» түөлбэ 86 см. хаамтаран — иккис, «Лесной» түөлбэ 62 см. хаамтаран — үһүс, «Сайдыс» түөлбэ 60 см. хаамтаран — төрдүс, «Сүрэх тыа» түөлбэ 53 см. хаамтаран — бэһис миэстэлэри үллэһиннилэр.
5 этап — Дартс күрэхтэһиитигэр хамаанда кыттыылаахтара бары 3-түүтэ быраҕан түмүккэ 84 очкону ылан «Сайдыс» түөлбэ — бастакы, 80 очколаах «Нагорнай» түөлбэ — иккис, 66 очколаах «Лесной» түөлбэ — үһүс, 63 очколаах «Сүрэх тыа» түөлбэ — төрдүс, 60 очколаах «Аартык» түөлбэ — бэһис миэстэҕэ таҕыстылар.
6 этап — «Блиц турнир» уопсай кругозорга 1 мүнүүтэҕэ боппуруостарга түргэн, сөптөөх эппиэттэри биэрэн, 9 баалы ылан «Аартык» түөлбэ — бастакы, 4-түү баалы ыланнар «Сайдыс», «Нагорнай», «Сүрэх тыа» түөлбэлэр — иккис, үһүс, төрдүс миэстэлэри үллэһиннилэр, 2 бааллаах «Лесной» түөлбэ -бэһис миэстэни ылары ситистилэр.
Өбүгэ оонньууларынан нэһилиэкпит түөлбэлэрин кэрэ аҥардарын икки ардыларыгар күрэхтэһии олус сэргэхтик, тыҥааһыннаахтык, илин-кэлин түһүүлээх ааста. Уопсай түмүккэ 12 очкону ылан 1 миэстэ — «Сайдыс» түөлбэ буолан анал грамоталарынан, Зинаида Софроновна, Владимир Владимирович Цыпандиннар дьиэ кэргэн олохтообут анал бириистэринэн, 15 очколаах 2 миэстэ — «Нагорнай» түөлбэ буолан анал грамоталарынан, Сарана Бимбаевна Артемьева, Николай Леонидович Кириллин дьиэ кэргэнэ олохтообут анал бириистэринэн, 18 очколаах 3 миэстэ — «Аартык» түөлбэ буолан анал грамоталарынан, Нелли Николаевна, Игорь Ильич Бродниковтар дьиэ кэргэн олохтообут анал бириистэринэн наҕараадалананнар үөрүүлэрэ үксээтэ. 20 очко ылбыт 4 миэстэҕэ «Сүрэх тыа», 25 очколаах 5 миэстэҕэ «Лесной» түөлбэлэр көхтөөх кыттыыларын иһин туоһу суругунан наҕараадаланнылар. Түөлбэ чиэһин көмүскээбит хамаандаларга түөлбэ олохтоохторун ааттарыттан сэмэй бэлэхтэр туттарылыннылар.
Бу күн нэһилиэк олохтоохторугар анаан Анна Гаврильевна Захарова, Елена Егоровна, Прасковья Егоровна Турантаевалар, Анисия Гаврильевна Дьяконова, Мария Алексеевна Захарова, Наталья Ивановна Мохначевская, Ксения Васильевна Прибылых удамыр сыаналаах атыы-тутуу тэрийэннэр, кэлбит кыттааччылар, көрөөччүлэр өттүк харалаах, илии тутуурдаах үөрэн-көтөн тарҕастылар.
Бу курдук аан дойдутааҕы дьиэ кэргэн күнүгэр аналлаах тэрээһиҥҥэ кэлэн активнай кыттыыны ылбыт бары кэрэ аҥардарбытыгар, көрөөччүлэрбитигэр, спонсордарбытыгар, оҕолорбутугар сылаас истиҥ махталбытын тиэрдэбит. Куруутун да маннык активнай позициялаах буолуҥ, мэлдьитин инники күөҥҥэ сылдьыҥ.
Дьиэ кэргэн үүннэрбит, үөрэппит
Үтүөкэн майгытын тутаммыт
Олохтон дуоһуйа үөрэбит,
Сир дьолун толору билэбит.
